Hugmyndamynd sem sýnir afstöðu til fyrirhugaðrar framkvæmdar. Nákvæmari mynd í réttri fjarlægð er í 360° kaflanum. Ekki staðfest ásýndarlíkan Hnotasteins; staðsetning, fjöldi vindmylla og sjónræn hlutföll hafa ekki verið sannreynd. Bakgrunnsljósmynd: Spike, Wikimedia Commons, CC BY-SA 4.0.
Melrakkaslétta · Náttúra · Framtíð
Land sem á skilið að njóta vafans.
Ósnortin víðerni eru dýrmæt og fáséð í Evrópu.
Vindorkuver á Hólaheiði við Hnotastein hefði veruleg sjónræn áhrif á stórt og lítt snortið svæði og gæti haft áhrif á ríkulegt fuglalíf. Áhrifin yrðu varanleg og óafturkræf. Við skorum á sveitarstjórn Norðurþings að falla frá hugmyndum um iðnaðarsvæði á Hólaheiði.
Eftir endurmat leggur verkefnisstjórn rammaáætlunar aftur til að Hnotasteinn fari í biðflokk – ekki nýtingarflokk. Umsagnarfrestur í Samráðsgátt er til 4. janúar 2027. Sveitarstjórn Norðurþings hefur ekki lýst yfir formlegri afstöðu. Ákvörðunin er enn opin – undirskriftasöfnun stendur til 16. desember 2026.
Tvær upptökur eftir Magnús Bergsson. Önnur er tekin á Hólaheiði á Melrakkasléttu, hin við vindmyllur.
Svona hljómar Melrakkaslétta
Svona hljóma vindmyllur
Hljóðupptökur: Magnús Bergsson, Hljóðmynd – fieldrecording.net. Fjögurra mínútna brot úr lengri upptökum, tekin á mismunandi stöðum og með mismunandi búnaði; hljóðstyrkur er eins og hann var tekinn upp. Ljósmynd: Magnús Bergsson.
02 / Sjáðu sjálf
Snúðu þér í 360°.
360° mynd tekin á Melrakkasléttu 3. október 2026. Vindmyllurnar 30 eru settar inn í réttri stærð og fjarlægð, 12–17 km frá myndavélinni. Hnapparnir „3 km“ og „500 m“ sýna dæmi um hvernig þær myndu blasa við nær, til dæmis frá bæ, vegi eða útivistarsvæði.
Dragðu til að snúa þér, þysjaðu með músarhjóli eða tveimur fingrum. Hnappurinn „Fela vindmyllur“ sýnir landslagið eins og það er í dag. 360° ljósmynd og vinnsla: Sigursteinn Baldursson, Kúlumyndir 32.
Verkefnisstjórn rammaáætlunar birti 13. október 2026 nýtt mat á sjö vindorkukostum. Hnotasteinn kemur verst út fyrir náttúruna, en er samt ekki lagður til í verndarflokk heldur í biðflokk33.
16,8 / 20
Áhrif á óbyggð víðerni
Langhæst af sjö kostum. Næst koma Sólheimar með 12. Verkefnisstjórn lýsir áhrifunum sem mjög neikvæðum.
6,3
Heildaráhrif á náttúru- og menningarminjar
Hæsta einkunn allra sjö kostanna hjá faghópi 1.
5,6
Áhrif á vatnafar
Hæst af sjö – hinir kostirnir eru á bilinu 0,4–2,8. Berggrunnur fær líka hæstu einkunn: 6,4.
Heildaráhrif á náttúru- og menningarminjarEinkunn faghóps 1 og tillaga verkefnisstjórnar. Hærri tala = meiri áhrif.
Mosfellsheiði I3,7VerndarflokkurMosfellsheiði I · 100 MW Heildaráhrif 3,7 · víðerni 0,2 af 20 Tillaga: Verndarflokkur
Mosfellsheiði II3,7VerndarflokkurMosfellsheiði II · 100 MW Heildaráhrif 3,7 · víðerni 0,2 af 20 Tillaga: Verndarflokkur
Fjórir kostir með minni áhrif á náttúruna fara í verndarflokk. Hnotasteinn, með mestu áhrifin, fer í bið. Flokkunin byggir að vísu á fleiri þáttum – Mosfellsheiði fékk t.d. hæstu einkunn fyrir áhrif á útivist (10 af 10) – en hvergi kemur Hnotasteinn vel út fyrir náttúruna 33.
Qair segir
Hnotasteinn sé ekki í kjarna víðernis samkvæmt víðerniskortlagningu, þótt einhverjar myllur kunni að sjást þaðan. Myllurnar verði allt að 30, allt að 200 m háar og allt að 7,2 MW hver.
Friðjón Þórðarson, framkvæmdastjóri Qair Ísland · Vísir, 12. maí 2026 34
Rammaáætlun segir
„Mjög neikvæð áhrif á óbyggð víðerni.“ Víðernin fá 16,8 af 20 – meira en nokkur annar kostur. Og 30 myllur × 7,2 MW = 216 MW, sama tala og stærri útgáfan í mati rammaáætlunar.
Skýrsla verkefnisstjórnar 6. áfanga · október 2026 33
Annað sem þú getur gert
Sendu umsögn fyrir 4. janúar 2027
Undirskriftalistinn fer til Norðurþings. Umsögn í Samráðsgátt fer beint til verkefnisstjórnar rammaáætlunar, sem skilar lokatillögu til ráðherra í febrúar 2027. Hver umsögn er lesin og birt.
Opnaðu mál 4349 í Samráðsgátt.
Skráðu þig inn með rafrænum skilríkjum.
Afritaðu drögin hér, bættu við eigin orðum og sendu.
Forsenda mats200mhámarkshæð með spaða – tæplega þrjár Hallgrímskirkjur 02
Uppsett afl er ekki stöðug framleiðsla og endanleg gerð vindmylla hefur ekki verið valin. Í matsáætlun frá 2021 var miðað við 34 vindmyllur og 200 MW 06, og í rammaáætlun er kosturinn metinn um 220 MW 05.
Meira en vindmyllurnar sjálfar
Hverri myllu fylgja steyptur grunnur allt að 30 m í þvermál, kranaplan og vegur. Qair áætlar gróflega 21.000 m³ af steypu og 1.800 tonn af stáli í undirstöður 30 vindmylla 02. Samkvæmt matsáætlun þarf um 17 km af nýjum vegum innan svæðisins og um 250.000 m³ af fyllingarefni 06.
Samfélag og atvinna
Fleiri en ein hlið á málinu
Qair telur verkefnið geta skapað störf, aukið raforkuframboð og stutt uppbyggingu innviða 01. Á rekstrartíma er gert ráð fyrir fáum föstum störfum 06. Verkefnisstjórn rammaáætlunar benti á að tengikostnaður við flutningskerfið sé mjög hár, 10–14 milljarðar króna 05.
Rannsóknarsvæðið að Hnotasteini (gulgrænt) innan mikilvægs fuglasvæðis. Kort byggt á korti EFLU 06.
Hvar er Hnotasteinn?
Á Hólaheiði í Núpasveit, fyrir miðri Melrakkasléttu. Heiðin er flatlend – gróið mólendi, hraun frá nútíma og smávötn. Rannsóknarsvæðið er 3.330 ha.
Gervihnattamynd frá Google. Hægt er að færa kortið, þysja inn og skoða heiðina nánar.
Nánari tæknilýsing úr matsáætlun 2021+
Framkvæmdaþáttur
Stærð
Svæði
Tími
Grunnar undir vindmyllur
Allt að 30 m í þvermál
2,4 ha
Varanleg
Undirstöður undir vindmyllur
1.610 m² hver
5,5 ha
Varanleg
Nýir vegir og jarðstrengir
17.000 × 4,5 m
45,9 ha
Varanleg
Safnstöð, tengivirki og skrifstofur
3.000 m²
0,3 ha
Varanleg
Vinnuplön við vindmyllur
2.240 m² hvert
7,6 ha
1 mánuður
Efnisgeymsla
1.640 m²
5,6 ha
10 mánuðir
Viðmiðunargerð: Vestas V162‑5.6 MW, miðja í 119 m hæð og 162 m spaðahringur. Framkvæmdatími um 12 mánuðir, líklega dreift á tvö ár, með allt að 100 starfsmönnum. Rekstrartími minnst 25 ár. Tenging við tengivirki Landsnets á Snartarstöðum með 33 kV jarðstrengjum 06.
05 / Náttúra og fuglalíf
Ekki tómt land. Lifandi landslag.
Heimkynni sem skipta máli.
Heiðar, vötn og votlendi Melrakkasléttu eru hluti af alþjóðlega mikilvægu fuglasvæði. Lómur, himbrimi og fálki eru meðal þeirra tegunda sem skráðar eru í gögnum Náttúrufræðistofnunar 03.
Ljósmynd: Dick Daniels · CC BY-SA 3.0
Gavia stellata
Lómur
110varppörGögn frá 2016 · Melrakkaslétta
Ljósmynd: Dick Daniels · CC BY-SA 3.0
Gavia immer
Himbrimi
16þekkt óðulGögn frá 2016 · Melrakkaslétta
Ljósmynd: Ólafur Larsen · CC BY-SA 2.0
Falco rusticolus
Fálki
14þekkt óðulGögn frá 2016 · Melrakkaslétta
Um gögnin. Tölurnar eiga við víðara svæði Melrakkasléttu, ekki eingöngu Hnotastein. Þær eru söguleg gögn frá 2016, ekki ný talning eða spá um fugladauða.
Um myndirnar. Myndirnar sýna tegundirnar og eru ekki teknar á Melrakkasléttu. Lómurinn er í vetrarbúningi.
Hvað er í húfi?
Fuglalíf
Melrakkaslétta er á náttúruminjaskrá, tilnefnd vegna fugla og ferskvatns- og fjöruvistgerða 03. Rjúpa og grágæs eru í yfirvofandi hættu á nýjum válista fugla frá 2025 27. Rjúpan flýgur mikið í rökkri, þegar athugendur eru ekki á vettvangi. Heimafólk hefur spurt hvað teljist ásættanlegur fugladauði 06.
Víðerni og ásýnd
Svæðið er óbyggt og að mestu óraskað. Sýnileiki verður metinn allt að 45 km frá ystu myllum; í aðalskipulagi Norðurþings segir að forðast skuli rask á ósnortnum víðernum 06.
Myrkur og norðurljós
Hólaheiði er laus við ljósmengun og rætt hefur verið um að nýta hana til norðurljósa- og stjörnuskoðunar 06. Myllur yfir 100 m þarf að lýsa vegna flugöryggis.
Votlendi og hraun
Vestast á svæðinu er votlendi með mjög hátt verndargildi, og hluti þess er nútímahraun. Hvort tveggja nýtur sérstakrar verndar samkvæmt náttúruverndarlögum 06.
Útivist og saga
Gamla þjóðleiðin Hólsstígur liggur við jaðar svæðisins, göngu- og reiðleið liggur þvert yfir það og þar er gönguskíðaland.
Ferðaþjónusta
Norðurstrandarleið (Arctic Coast Way) og Fuglastígur liggja hjá. Á Kópaskeri eru gistihús, Skjálftasetur og fuglaskoðunarhús.
Jarðvegur og grunnvatn
Hvað fer í jörðina?
Hér er farið yfir það sem matsáætlunin segir um grunnvatn, og hvað rannsóknir segja um örplast og epoxý sem losnar af spöðum vindmylla.
Grunnvatn í hrauni er viðkvæmt
Samkvæmt matsáætlun hripar vatn auðveldlega niður í hraunið á svæðinu, svo grunnvatn getur verið viðkvæmt fyrir mengun. Við suðvesturjaðar svæðisins er fjarsvæði vatnsverndar og nokkur vötn og tjarnir innan þess njóta sérstakrar verndar 06.
Mesta áhættan er á framkvæmdatíma: um 17 km af nýjum vegum, um 250.000 m³ af fyllingarefni og þúsundir rúmmetra af steypu. Á rekstrartíma gæti þurft um 500 lítra af olíu á hverja myllu á fimm ára fresti 06. Framkvæmdaraðili segir að steypa verði ekki blönduð á staðnum og að efni verði ekki geymd þar.
Örplast og epoxý af spöðum
Regn, hagl og sandfok slíta smám saman fremstu brún spaðanna, svo agnir úr hlífðarhúð og epoxýi losna og falla til jarðar. Rannsókn við DTU í Danmörku metur losunina 8–50 g á ári fyrir hvert blað á landi 13.
Fyrir 30 myllur með þremur spöðum hver gerir það um 0,7–4,5 kg á ári, eða um 18–110 kg á 25 ára rekstrartíma. Það er lítið miðað við aðrar uppsprettur eins og dekkjaslit 13. Mat á losun bisfenóls A (BPA) bendir til að hún sé mjög lítil 15.
Það sem ekki er vitað
Engar rannsóknir hafa farið fram á Melrakkasléttu á því hvernig agnir úr spöðum, örplast og epoxý, hefðu áhrif á jarðveg og grunnvatn. Þær rannsóknir sem til eru hafa flestar verið gerðar á hafi úti eða í Danmörku og Hollandi, við allt aðrar aðstæður en í gljúpu hrauni og votlendi Hólaheiðar, þar sem vatn á greiða leið niður í grunnvatn. Hraði slitsins ræðst af veðri, og eldfjallasandur og hagl geta aukið það. Við teljum að þessi óvissa eigi heima í umhverfismatinu.
Athugið: Oft er vitnað í norska skýrslu frá 2021 sem mat losunina 62 kg á hverja myllu á ári 16. Síðari ritrýnd rannsókn sýndi að þar var prósenta úr litlum prófsýnum ranglega yfirfærð á heil blöð 14, og við notum þá tölu því ekki.
Spaðarnir
Efni, förgun og hraði.
Þrjár staðreyndir um spaðana sem myndu snúast yfir Hólaheiði.
Epoxý úr bisfenóli
Árið 2013 fór um 27% af allri epoxýnotkun í Evrópu í spaða vindmylla 16. Algengasta epoxýið er framleitt úr bisfenóli A (BPA), efni sem mörg ríki hafa takmarkað í neysluvörum.
~300km/klst. á spaðaenda
300 km á klukkustund
Miðað er við vindmyllu á borð við Vestas V162: hámarkssnúningur 10 snúningar á mínútu og 162 m spaðahringur 18. Spaðaendinn fer því um 300 km á klukkustund, margfalt hraðar en fuglar fljúga almennt. Sjá samanburð ↓
Þrír fótboltavellir á hverja myllu
Hver vindmylla sópar yfir um 20.600 m² 18, á við um þrjá fótboltavelli. Með 30 myllum yrði það yfir 60 hektarar af loftrými þar sem lómur, himbrimi, grágæs og rjúpa fljúga um.
Hver sleppur?
Hraði nokkurra íslenskra fugla borinn saman við spaðaenda vindmyllu, í km á klukkustund. Enginn þeirra nær spaðaendanum, ekki einu sinni fálki í steypiflugi.
Tölurnar koma úr mismunandi mælingum (farflug, veiðiflug, steypiflug) og eru viðmið, ekki nákvæmur samanburður. Fyrir lóu er notuð mæling á grálóu, náskyldri tegund. Fræðilega gæti fálki náð allt að 250 km/klst. í mjög löngu steypiflugi 23.
Hvert fara 90 spaðar eftir 25 ár?
Hnotasteinn yrði með 30 myllur og 90 spaða, hver um 80 m að lengd. Lagðir enda í enda næðu þeir um 7,2 km – lengra en frá framkvæmdasvæðinu til Kópaskers.
Hver spaði er um 80 m langur – lengri en Hallgrímskirkja er há (74,5 m). Spaðarnir 90 næðu jafnlangt og Vaðlaheiðargöng og væru meira en þrisvar sinnum lengri en allur Laugavegur.
Spaðar úr glertrefjum og epoxýi eru illendurvinnanlegir og þúsundir tonna hafa endað í landfyllingum. Samtök vindorkuiðnaðarins í Evrópu viðurkenna sjálf að endurvinnslulausnir séu hvorki nægilega þróaðar né samkeppnishæfar í verði. Iðnaðurinn setti sér sjálfviljugt bann við urðun frá 1. janúar 2026, en það er skuldbinding greinarinnar, ekki lög 17. Hver ber kostnaðinn þegar spaðarnir verða teknir niður?
06 / Raddir heimafólks
Það sem heimafólk segir.
Úr athugasemdum sem bárust við matsáætlun haustið 2020 06.
Halldóra Gunnarsdóttir, Kópaskeri
„Ég kann mjög vel við þetta ósnortna land á Hólaheiðinni, alveg laust við ljósmengun, sem sýnir manni tunglið, stjörnur og norðurljós.“ Hún spyr hvort myllurnar muni sjást eða heyrast frá kirkjugarði, byggðasafni og gönguleiðum.
Norðurhjari, ferðaþjónustusamtök
Mótmæltu því að svæðið væri kallað afskekkt og ferðaþjónusta lítil. Bentu á gistingu, Skjálftasetur, Byggðasafnið á Snartarstöðum, listaverkið Dansinn, Hallveigarlund, Fuglastíg og Norðurstrandarleið.
Ferðafélagið Norðurslóð
Ósnortin víðerni eru eftirsóknarverð fyrir göngu- og útivistarfólk. Stóru slíku svæði yrði spillt, gott skíðagöngusvæði eyðilagt og fornu þjóðleiðinni Hólsstíg megi ekki raska.
Jón Grímsson, Kópaskeri
Víðsýnið á Hólaheiði gerir svæðið einstakt til að njóta norðurljósa og stjörnuskoðunar, og rætt hefur verið um að nýta það í ferðaþjónustu yfir vetrarmánuðina.
Aðalsteinn Örn Snæþórsson, Víkingavatni
Rjúpnastofninn er í sögulegu lágmarki og fuglarnir eigi að fá að njóta vafans: rannsaka þurfi í tvö ár nema sýnt sé að engar viðkvæmar tegundir fari um svæðið.
Gunnar Einarsson, Daðastöðum
Skilgreina þarf hvað sé ásættanlegur fugladauði og hvernig verði brugðist við ef hann reynist meiri en gert var ráð fyrir – og hvort framkvæmdaraðili sé þá tilbúinn að hætta rekstri.
07 / Staða málsins
Stór ákvörðun. Ferli sem skiptir máli.
Hér eru staðfestir áfangar úr fyrirliggjandi heimildum. Tillaga, umsögn og leyfi eru ólík skref.
Qair kynnti tillögu að matsáætlun fyrir 34 vindmyllur og 200 MW. 13 aðilar sendu athugasemdir. Skipulagsstofnun féllst á tillöguna með athugasemdum árið 2021 0607.
Mótmæli íbúa frestuðu skipulagsbreytingu
Byggðarráð Norðurþings frestaði aðalskipulagsbreytingu eftir mótmæli íbúa við Öxarfjörð 09. Í lok ágúst samþykkti sveitarstjórn samhljóða að fresta umfjöllun um skipulagsbreytingar þar til umhverfismati lyki 11.
Tillaga um biðflokk
Verkefnisstjórn 5. áfanga rammaáætlunar skilaði tillögu um flokkun tíu vindorkukosta. Tillagan fyrir Hnotastein var biðflokkur, m.a. vegna óvissu um áhrif á fuglalíf, samfélagsleg áhrif og kostnað við tengingar 05.
Fyrri meirihluti óskaði endurmats
Meirihluti þáverandi sveitarstjórnar Norðurþings óskaði eftir því að Hnotasteinn yrði endurmetinn og færður úr biðflokki í nýtingarflokk 08.
Ný sveitarstjórn
Eftir sveitarstjórnarkosningar 16. maí myndaði Sjálfstæðisflokkur, Samfylking, Framsóknarflokkur og Óskalisti nýjan meirihluta í Norðurþingi 28.
Ný vindorkulög
Alþingi samþykkti strangari reglur um vindorku. Afstaða sveitarfélaga verður grundvallarþáttur í mati rammaáætlunar á vindorkukostum, og sérstaklega verður horft til áhrifa á fuglalíf og víðerni 29.
Engin formleg afstaða
Sveitarstjórn tók fram að hún hefði ekki lýst yfir formlegri afstöðu til uppbyggingarinnar. Áhersla var lögð á samráð og heildstætt mat á áhrifum 04.
Endurmat: aftur í biðflokk
Hnotasteinn var metinn á ný í 6. áfanga rammaáætlunar. Verkefnisstjórnin leggur aftur til biðflokk – ekki nýtingarflokk. Áhrif á óbyggð víðerni eru metin þau mestu af sjö vindorkukostum og talin geta skert möguleika á ferðaþjónustu og útivist. Umsagnir má senda í Samráðsgátt til 4. janúar 202733. Sjá nýja matið ↑
Nú er tækifærið
Með nýju lögunum vegur afstaða Norðurþings þungt. Á meðan sveitarstjórn hefur ekki tekið afstöðu getur rödd íbúa og almennings haft áhrif. Skrifaðu undir ↓Sendu umsögn um rammaáætlun ↗
Til samanburðar · Vaðölduver
14 + 14
Landsvirkjun gangsetti fyrsta vindorkuver landsins, Vaðölduver, 15. september 2026 með 14 vindmyllum; 14 til viðbótar rísa 2027 10. Þær myllur eru um 150 m háar í hæstu stöðu spaða 12 – á Hnotasteini er miðað við allt að 200 m.
08 / Afstaða okkar
Við viljum vernda framtíð Melrakkasléttu.
Við teljum að Melrakkaslétta eigi ekki að verða iðnaðarsvæði fyrir stórt vindorkuver.
Afstaða okkar byggir á mikilvægi náttúru, fuglalífs og landslags. Við teljum að staðsetning endurnýjanlegrar orkuframleiðslu skipti máli og að náttúruverðmæti Melrakkasléttu eigi að vega þungt í ákvörðuninni.
Nei. Afstaða okkar snýst um staðsetningu. Við teljum að náttúruverðmæti Melrakkasléttu eigi að vega þungt þegar ákveðið er hvar vindorkuver rísa.
Verða vindmyllurnar örugglega 200 metrar?+
Það er ekki endanlegt, því gerð vindmyllu hefur ekki verið valin. Í matsáætlun var miðað við að spaðaendi næði um 200 m frá jörðu, og Qair nefnir sömu hámarkshæð 0206.
Sýna fuglatölurnar áhrif framkvæmdarinnar?+
Nei. Tölurnar um lóm, himbrima og fálka eru gögn frá 2016 fyrir Melrakkasléttu alla. Þær sýna hvaða tegundir svæðið styður, en eru hvorki talning á Hnotasteini né spá um fugladauða 03.
Hefur Norðurþing samþykkt uppbygginguna?+
Nei. Fyrri meirihluti óskaði í janúar 2026 eftir að Hnotasteinn yrði færður í nýtingarflokk, en ný sveitarstjórn hefur samkvæmt bókun 17. september 2026 ekki lýst yfir formlegri afstöðu 0408.
Hvað breyta nýju vindorkulögin?+
Lögin sem Alþingi samþykkti 19. júní 2026 útiloka vindorkuver á friðlýstum svæðum, Ramsar-svæðum og svæðum á B‑hluta náttúruminjaskrár. Hólaheiði fellur ekki undir þá flokka, svo Hnotasteinn er ekki sjálfkrafa útilokaður. Lögin gera hins vegar afstöðu sveitarfélagsins að grundvallarþætti í mati rammaáætlunar, og þess vegna skiptir afstaða Norðurþings – og undirskrift þín – máli 2931.
Hvað þýðir biðflokkur rammaáætlunar?+
Samkvæmt lögum nr. 48/2011 fara í biðflokk þeir kostir sem talið er að þurfi frekari upplýsingar um áður en hægt er að ákveða hvort þeir fari í nýtingar- eða verndarflokk. Hnotasteinn er því hvorki samþykktur né hafnaður. Í skýrslu verkefnisstjórnar (október 2026) fær Hnotasteinn hæstu einkunn sjö vindorkukosta fyrir áhrif á óbyggð víðerni (16,8 af 20) og faghópur 1 metur hann þann kost sem hefði mest áhrif á náttúru- og menningarminjar. Tillagan er í opnu samráði til 4. janúar 2027 og allir geta sent inn umsögn 33.
Er öll Melrakkaslétta friðlýst?+
Nei. Svæðið er ekki friðlýst. Melrakkaslétta er á náttúruminjaskrá sem „aðrar náttúruminjar“ og skilgreind sem alþjóðlega mikilvægt fuglasvæði. Hún er ekki meðal þeirra sjö svæða sem Alþingi setti á B‑hluta náttúruminjaskrár í nóvember 2025 30. Votlendi og nútímahraun á svæðinu njóta sérstakrar verndar samkvæmt náttúruverndarlögum 0306.
Er þetta gild rafræn undirskrift?+
Undirskriftin fer fram á undirskriftalistum Ísland.is og þú auðkennir þig með rafrænum skilríkjum. Þannig er tryggt að á bak við hverja undirskrift sé raunverulegur einstaklingur.
10 / Láttu rödd þína heyrast
Framtíð landsins kemur okkur við.
„Landið er fagurt og frítt“– Jónas Hallgrímsson, Ísland (1835)
1Lestu áskorunina.
2Auðkenndu þig með rafrænum skilríkjum á Ísland.is.
Við undirrituð mótmælum áformum um uppbyggingu vindorkuvers á Hólaheiði við Hnotastein. Fyrirhuguð uppbygging mun hafa veruleg sjónræn áhrif á stórt svæði sem að öðru leyti er lítt snortið og einkennist af fáum sýnilegum mannvirkjum. Einnig getur framkvæmdin haft áhrif á fuglalíf sem er ríkulegt á svæðinu. Ósnortin víðerni eru dýrmæt og fáséð í Evrópu. Slík uppbygging myndi hafa varanleg og óafturkræf áhrif á landslag, náttúruupplifun og ímynd svæðisins. Uppbyggingin getur haft áhrif á lífsgæði íbúa, útivistarmöguleika og ferðaþjónustu á svæðinu. Við skorum á sveitarstjórn Norðurþings að falla frá hugmyndum um iðnaðarsvæði á Hólaheiði.
Söfnun stendur 16.09.2026 – 16.12.2026 · Ábyrgðarmaður: Halldóra Gunnarsdóttir
Rammaáætlun · 2025Greinargerð faghóps 4 um vindorkukostiMat á vindorkukostum, m.a. tengikostnaði Hnotasteins. Samantekt á tillögu verkefnisstjórnar um biðflokk: Bændablaðið, 23.01.2026.
Vikublaðið · 02.09.2021Sveitarstjórn frestar skipulagsbreytingum þar til umhverfismati lýkurTillaga um frestun samþykkt samhljóða í sveitarstjórn Norðurþings.
DTU · Energies · 2024 · ritrýntMicroplastics Emission from Eroding Wind Turbine Blades: Preliminary Estimations of VolumeMishnaevsky o.fl. Mat á losun plasts af spöðum á landi og á hafi úti.
Wind Energy Science · 2025 · ritrýntEstimating microplastic emissions from offshore wind turbine blades in the Dutch North SeaCaboni o.fl. Samanburður á fyrri matsaðferðum, þ.m.t. norsku skýrslunni frá 2021.
Solberg o.fl. · Noregi · 2021 · ekki ritrýntForurensing fra vindturbinvinger / Leading Edge erosion and pollution from wind turbine blades„The Turbine Group“. Skýrsla um norskar aðstæður sem mat losun mun hærri en síðari ritrýndar rannsóknir.
WindEurope · samtök vindorkuiðnaðarins í EvrópuWind industry calls for Europe-wide ban on landfilling turbine bladesStaða endurvinnslu spaða og sjálfviljugt urðunarbann greinarinnar.
J. R. Soc. Interface · 2013 · ritrýntAir speeds of migrating birds observed by ornithodolitePennycuick o.fl. Mældur flughraði m.a. lóms (20,6 m/s), hafarnar (14,4 m/s) og grálóu (16,5 m/s).
Stjórnarráðið · 14.11.2025Þingsályktun um framkvæmdaáætlun náttúruminjaskrár samþykktSjö svæði á B‑hluta 2025–2029. Melrakkaslétta er ekki þar á meðal.
Verkefnisstjórn 6. áfanga rammaáætlunar · 13.10.2026Tillaga að flokkun sjö vindorkuverkefna – Hnotasteinn í biðflokkOpið samráð 12. október 2026 – 4. janúar 2027 (mál 4349). Víðerni 16,8 af 20, hæst sjö kosta.
